Saturday 27 July 2013


Tun… Ba’zan kitob o’qishdan ham toliqadi odam…yoki faqat man shundayman….Nimalarnidir yozgim keladi… Boshqalarni bilmadimu man o’zim yozgan she’rlarni qayta qayta o’qigim keladi… Har qancha qilsa ham she’r – qalbdan chiqadida… bugun hamma narsa haqida yozgim kelayabdi: Qosimov, Abramov,Nasaf,Sho’rtan,Barcelona, Vilanova va hokazo… Har safar shhunday desam yaqinlarim: “blogingizda faqat osmoniy mavzular yoritiladi,osmoniy hislar muhabbat haqida hech she’ringiz yo’qmi?!” deyishadi… Fikrimcha hech bir shoir yoxud shoira yo’qki muhabbatni tarannum etmagan bo’lsa… Man ham yozganman… va ular faqat qog’ozlarda qolib ketdi…bir xotira yanglig’…
         Muhabbat haqida bir dugonamni holatidan kelib chiqib she’r yozgandim... Yaxshi,fayzli,axloqli bir dugonam bor. Har doim kulib turardi, yomonlikni bilmas, hech qachon darslardan qochmas edi hatto... Sinfda darsdan qochgan, sirpanchiq uchib qo’l oyog’inichiqarib olmagan o’quvchiyo’q edi! Yo’q bor edi faqat o’sha dugonam! Bizni sinfdan bir sinf yuqori sinfda o’qiydigan bola bilan bir birlariga mehr qo’yishgan edi,hamma havas qilardi... 7-sinfni bitirganimdan keyin Dadam maktab internatga joylashtirdilar, shu bilan maktabdagi sinfdoshlarim juda kam ko’rishadigan bo’ldim...11-sinfni bitirganimizda hammamiz yig’ildik. Hamma xursand, hammani labida tabassum o’ynardi...Lekin negadir u juda g’amgin edi... man boshqalarga nisbatan unga eng yaqinroq edim... Uni xafaligi sababini bildim, mehr qo’ygan insonining to’yi bo’layotgan ekan... dugonamni so’zlari quloqlarim ostida hanuz jaranglaydi: “O’tli ishqim baxtini kuydirsin”...
         Uyga qaytdim hamki uning mayus chehrasi va so’zlarini unutolmadim,tabiatan ta’sirchan insonman...so’zlarini she’r qilib yozgim keldi... yozdim ham... Bilasizmi man ayriliq, hijron,xiyonat va shunga o’xshash mavzularda hech she’r yozgim kelmaydi... chunki qayerdadir eshitgandim; “She’rlar taqdirga aylanishi mumkin...”
          Xiyonat! Dunyoda men nafratlanadigan yagona so’z... Menga vafoli odamlar yoqadi... Vafoda gap ko’p... O’ylashimcha inson avvalo bandalikka xiyonat qilmasligi kerak!Bandalikka vafo qilishi kerak... Vafosizlik insonni beqaror qilib qo’yadi...Bandalikka, Vatanga, Dos’tga, Yorga, O’zlikka sadoqatli odamlar bor! Ular faqat va faqat ardoqlanishga loyiq! Jamiyatimizda xiyonat mavzusi ko’p uchrayabdi... Yaqinda Kun.uz saytida o’qishimcha statistikaga qaraganda ayollar xiyonati ko’paygan ekan... Mani o’ylashimcha baribir hech qaysi yurt vakillari, bizlardek, biz o’zbek ayollaridek vafoli bo’la olmaydi! Har qancha qilsa ham qaytmas bo’lib ketgan yorini yillar, umrini oxiriga, vafotiga qadar kutib o’tgan momolarimizni qizlarimizda bizlar...
         Vafoli odamlar orasida yashagim keladi... Chunki vafoli odam yolg’on so’zlamaydi..munofiqlik qilmaydi...
         Ha darvoqe, aslida Dugonamni nomidan yozilgan she’rni blogimga joylayman degandim...yana chalg’ib ketdim...
         Bugun...

B U G U N
Bugun borar manzil ayro-ayrodir
Bu ishq asli boshimdagi katta balodir
Hijronning dastidan ko’ngil yarodir
Yuragimda o’t bo’lib yonar Muhabbat
        Bugun dil uyini bezagan armon
        Zo’r mashshoq qo’lida uzilgan torman
        Ne qilay yor ishqi qalbimda har on
        Yuragimda o’t bo’lib yonar Muhabbat
Bugun ko’zlarim ham makon g’amlarga
Meni shunday suyib siyladi qismat
Joniga jonimni berganim uchun
O’t bo’lib yondirar o’tli Muhabbat
        Bugun hajr sahrosi bag’rini ochgan
        Visolning yuzini qoplagan zulmat
        Sevgim qarog’imda yosh bo’lib qotgan
        Yuragimda o’t bo’lib yonar Muhabbat
Bugun xotiralar tig’laydi dilim
Orzular yurtida sokin sukunat
Men azal shartiga indamay ko’ndim
Hamon yondirmoqda meni Muhabbat
        Bugun yor-yor yangrar sevgim uyida
        Kelinning yuziga yopilgan chimmat
        Baxtsizlik tiladim unga to’yida
        Baxtini kuydirsin o’tli Muhabbat


P.S: O’ylashimcha mehr inoyat… haqiqiy mehr qo’ygan inson mehr qo’yganlariga yomonlik istamaydi.Har holda man istamasdim..Zotan hamma narsada chegara bor: hurmatda,rashkda vahokazolarda…Ammo mehrda sarhad yo’q! Mehr chegara bilmaydi..Mehr ko’chasi oxirsiz…she’rni oxiri Meni emas dugonamni so’zlari bilan tugallangan…
She’rda she’riy xatolar mavjudligini bilaman. lekin baribir joyladim :)



Dilnavoz Berdiyeva Toshkan qizi
 

Friday 21 June 2013


Yana yozgim kelayabdi... Bilaman man jurnalist yoki yozuvchi va yoxud shoir emasman va hattoki bunga hech qachon da'vo qilmaganman ham... Qachonlardir jurnalist bo'lishni istagandirman,ammo hozir man o'z soham bor, o'zimni sohamni juda yaxshi ko'raman... o'zimni har safar ilm kishilari orasidaligimni eslasam,his qilsam har doimgidek taqdirimdan minnatdor bo'lib ketaman... Bir kun sohamga oid kitob o'qimasam, bioximiyadan bir kunga uzoqlashsam ham sog'inaman. Mana masalan bugun labaratoriyaga bora olmadim, lekin hamisha hayolimda oqsil, DNK, PZR va hokazolar... kasbimni nihoyatda yaxshi ko'raman. Nasib qilsa  soham bo'yicha ko'pginaa ishlar qilish niyatim bor... Dadam bilan ayam judayam xohlaydila olima bo'lishimni... yana oylaymanki yozganlarimni diktant yoki insho deb tahlil qilishdan oldin, insoniylik nuqtayi nazaridan yondoshing :)), illtimosim shuki o'sha gapingiz ichingizda qolsin, man ko'ngil odamiman, har qanday qattiq so'z bilan dilimni yaralash, og'ritish oson… Qahrimni qattiq qila olmaymanva etiborsiz qol siltab ham keta olmayman
            O’zi nima haqida yozmoqchi edim,ana yana chalg’ib ketdim...
Ha dadam haqlarida yozmoqchi edim... Dadam.. har gal dadam bilan gaplashsam “sizni juda yaxshi ko’raman”, “Bu olamda Payg’ambarimiz s.a.v dan keyin eng ko’p yaxshi ko’raman sizni va ayamni” deyman.. Dadamdan mehrimni yashirmayman. Ba’zi bir tanishlarim “juda erkasan” deyishadi... To’g’ri bitta qizman...Erkaligim ham rostdir.. lekin nahotki ehrni izhor qilish uchun erka bo’lish shart bo’lsa?!  Har tong otishini ko’rish nasib etishi dargumonligi kabi lahzadan keyin nima bo’lishi bizga ayon emas... Keyin aytarman mehrimni deb qo’ysam ham bo’laveradi albatta, lekin ulgurarmikinman?! Man istaymanki dadajonim manga faqat moliyaviy ta’minlash uchun emas, balki qalbimnig butligi, ko’zimning quvonchi, yuragimning baxtdan shodumon urishi, baxtimning bekamligi uchun ham manga kerakliliklarini his qilsinlar.. Barcha orzularim ular bilan bog’likligini anglasinlar, ularni rozi qilish uchun ham hayotda nimagadir intilayotganimni his qilinlar uchun hamisha aytaman mehrimni.. To’g’ri aslida mehrni anglash, his qilish uchun aytish shart emas.. lekin qaysi ota quvonmaydi mehrimizni,bizga ularning sog’ligi kerakligini aytsak?!
Dadajon, sizni juda juda yaxshi ko’raman… Baxtimga hamisha ayajonim bilan omon bo’lingizlar… ha darvoqe, ayamga ham juda ko’p aytaman ularni yaxshi ko’rishimni...
Otam – baxtim posboni…
Otajon chindan ham bugun yolg’izman
Tunning chehrasida saroblar bisyor
Sog’inch deb atalmish yovqur qilichning
Sitamlarin yengmoq men uchun dushvor…
         Bugun hijronlarda erka qizingiz
         Intiqom ichida kurashayotir
         Ota, kaftingizni oching duoga
         Ko’ngil malaklari so’rashayotir…
Siz ekkan daraxtman ko’kka talpinib
Oftobday mehringiz totib yashayman
Qadrimga, sabrimga sabotlar aytib
Qaroqlaringizga botib yashayman
         Butun tomirimda oqadi bardosh
         Ko’zlarimda yorug’ baxtim osmoni
         Tomirlaringizga tomirim tutash
         Otajonim sizsiz baxtim posboni…

Berdiyeva Dilnavoz Toshkan qizi...



Monday 17 June 2013


Shukrona...
Shu kunlarda juda ko'p kuzatdim, odamlarni, hayotni, o'zimni o'z tafakkurimcha, o'z anglaganimcha... hayollar sokin, yuzlarda tashvish, noshukrlik... Savol berib ko'rdim o'zimga : Baxt nima? Ikki oyog'im but, hohlagan manzilimga bora olaman, zaminni his qilaman oyoqlarim bilan, Otamni sog'insam, onamga mushtoq bo'lsam borib qo'llarini ko'zimga surta olaman.... Qo'llarim but, barmoqlarim bilan dildagi nafis hislarimni qog'ozga joylayman, birovga muhtoj emasman... Ko'zlar, qaroqlar.... ularning naqadar g'animatligini bilasizmi do'stlar... Hayotning jiloli ranglarda ko'rish.. Sevgan insonlaringiz yuzlarini ko'ra olish, Onangizning minnatdor nigohlarini ko'ra olish, Otangizning umridan rozi boqishlari, erkalashlarini ko'ra olish... Oq oralagan bo'lsada sochlariga termulish,ajinlar soya solgan bo'lsada nurli yuzlarini ko'rish, mehrli nigohlarni his qilish,ukangizni beg'ubor qaroqlariga termulish, qorni, bahorni, gullarni, toshlarni, daryoyu debgizlarni, ulakan azim tog;larni, qushlarni, ne'matlarni ko'rish BAXT! tasavvur qilib ko'ring zulmatni?! yo'q, yo'q hatto tassavur ham qilmang..faqat shukr qilaylik, bizga shunday ne'matlar nasib ayladi, axir bu nematlardan bebahra insonlar qancha... Insonmiz! yurak urib turibdi, ko'zlar shu lahzada ko'rayabdi, qo'l oyoqlar mustahkam, gapira olamiz, iforlardan bahra ola olamiz,his qila olamiz hammasi BAXT....
Hayotimiz tinch... Yurtimiz tinch, Vatnimiz obod! shukrki tabiat ham biz uchun faqat yaxshilikka xizmat qilmoqda, shamol, qor, yomg;ir, quyosh hammasi o'z ehtiyojimizcha... Hammasi uchun shukr... Ko'zlar yorug' olamni bir marta bo'lsa ham ko'rgani uchun shukr...
Shukrona….

Bugun ko’zlarimiz baxtdan shodumon
Yurakda ham yo’qdur havotir gumon
Endi asriy orzular bo’lmagay armon
Boshimiz sarbaland shukr qilaylik…

Oyoqlar zaminda yurolgani chun
Mujgonlar olamni ko’rolgani chun
Qalblar to’xtamasdan urolgani chun
Bariga do’stlarim shukr qilaylik…

Kimgadir orzumiz kim uchun hijron
Muhimi kerakmiz kimgadir har on
Axir yo’limizga kimdir nigoron
Sevilmoq baxti chun shukr qilaylik…


Quyoshning taftidek qaynoq yurak bor
Ayriliq dardiga malhamdir diydor
Axir albat yana qayta kelarku bahor
Umidning bori chun shukr qilaylik…

Dardlar yig’latsa gar chektirib alam
Ko’zlarga qorong’u tuyulsa olam
Alloh suyganiga beradi deb g’am
Sabrlar so’rabon shukr qilaylik…

Yurt Koriga yaray deya intilamiz
O’zbekman deb faxr bilan gapiramiz
Qayda bo’lmay vatan tomon talpinamiz
Sog’inchning boriga shukr qilaylik…

Berdiyeva Dilnavoz Toshkan qizi
(p.s: ushbu yozilganlar ko'chirilsa ,iltimos muallif nomi bilan ko'chirilsin! she'r, so'z ko'ngil mulkidir)

Sunday 9 June 2013


Tilingizga ehtiyot bo’ling…




        

         Bugun jamiyatimizda ayniqsa yoshlar orasida ozbek qizlari sha’niga yaxshi bo’lmagan gaplar aytilayotgani sir emas, bu judayam achinarli hol. Tarixga nazar solsak qay davr, qay asr bo’lmasin o’zbek ayollari o’zining sharqona statuslari bilan mashhur bo’lganlar.
Shu orinda juda ko’p bo’lsada eshitganingiz bir hikoyani keltirsam.
 “Qadim zamonda bir odil va oqil podshoh bolgan ekan. U qaysi davlatni bosib olmoqchi bolsa osha mamlakatga ozining aygoqchilarini yuborar ekan. Bir kuni ikkita vazirini chaqiribdi va ikalalarini ikkita mamlakatga yuboribdilar va Osha mamlakat erkaklarining ayollariga munosabatlarini bilib kelishini  tayinlabdilar, Vazirlar ketishibdi va olti oydan keyin qaytib kelishibdi song korgan bilganlarini aytibdilar. 1-vazir debdiki: “Men borgan mamlakatning aholisi ayollarni qattiq hurmat qilar ekan, ularga begona soyanida tushirmas ekanlar” .
2-vazir esa: “men borgan mamlakatning aholisi esa ayollarini hurmatlamas, himoyalamas, va sha’nlariga yaxshi soz aytishmas ekan” debdilar. 
Shunda Podshoh “ Biz ikkinchi mamlakatga hujum qilamiz oz ayollari sha’nini o’z shani deb bilmagan xalqda vatanni himoya qilish hissi ham bo’lmaydi’ debdilar” Alqissa, Oylab gapiring, sizlar qizlar haqida aytayotgan har bir sozingizda bizning, millatimizning, xalqimizning sha’ni masalasi turibdi!
         “Qizlar ozgarib ketdi” mish?! Ey aziz inson, takror aytaman, Bizning biz ozbek qizlarning fitratimizda mavjud bo’lgan poklikka, tozalikka, halollikka tosh otmang! Haqqingizda yoq! Zotan, Rasululloh sollallohu alayhi vasallam: «Yettita halok qiluvchi ishdan saqlaninglar», deb ular orasida: «(Yomon niyatlardan) g‘ofil, pokiza, mo‘mina ayollarga tuhmat qilish»ni ham sanab o‘tganlar (Muttafaqun alayh). 

Mana, bahor keldi... Hammaning og‘zida bir gap: "Bahor keldi, qizlar endi "ochilib" ketadi"  va shunga oxshash gaplar... Juda xafa bo‘ldim bu gaplardan. Odamlar ishoning butun O‘zbekiston mini yubka kiyadigan qizlardan iborat emas. Ishoning qalbida hayosi mustahkam qizlar juda ko'p. Kiyimlarining uzunligiyu go'zalligi bilan o'zbeklarning nomusi ekanligidan faxrlansa bo'ladigan qizlar hali judayam ko'p. Hammani unaqa bir qolipda ko'rmanglar , iltimos. Yig'latmangizlar... 

         Togri guruch kurmaksiz bolmaydi.  Lekin ayrim ayrim kurmaklarni gapirishdan oldin yon atrofingizga bir nazar soling, millati sha’nini o’z sha’ni deb, har bosgan qadamida ozbeklik , milliylik ufurib turgan haqiqiy ozbek qizlar borligiga ishonch hosil qilasiz...
         Begona nigohlar uchrab qolsa kozlarini yerga qaratgancha odimini tezlashtiradigan qizlarni yana qaysi olkadan topmoqchisiz?!
         Muhabbat deganda hayodan yuzlariga qizillik yuguradigan qizlar ayting yana qayda bor?!
        Moda uchun emas, yelkalarida o'tirgan farishtalardan hayo qilib, yelkasi ochiq kiyim kiymaydigan qizlarni boshqa yurtda O'zbekistondagichalik ko'pmikan?!


         Tarozining bir pallasiga butun dunyoni, ikkinchi pallasiga oilani qoysangiz, har narsadan muqaddas deya oilani tanlovchi ayolu qizlar boshqa olkalarda bormikin a?!.....va hokazolar...

         Yondiradi sirli sirli qarashlari
         Tasadduq deb ahvolingiz sorashlari
         Kimga yoqmas uzun koylak kiyishlari 
         Yulduz tugul oy chiqolmas tizlariga
         Havas qiling Ozbegimning qizlariga...




Berdiyeva Dilnavoz Toshkan qizi
         


Monday 8 April 2013





"Amir Temur-bizning sha'n-shavkatimiz,g`urur iftixorimizdir.
 Amir Temur -xalqimiz dahosining timsoli,
ma'naviy qudratimiz ramzidir".
Islom Abdug’aniyevich Karimov.



Buyuk Sohibqiron! Amir Temur ! Bilaman , men yozuvchi yoxud tarixchi emasmanki go’zal satrlar ila Buyuk Sohibqironni madh etolsam?! Yaxshi inson, kuchli iroda sohibi, Olim, davlat arbobi - Sohibqiron haqlarida yozish ham ma’suliyatli , shu bilan birga sharafli hamdir…
Ma’suliyatli deganim buyuk shaxs, kuragi yerga tegmagan sarkarda, yirik davlat arbobi, qonunshunos, talantli me'mor, notiq, ruhshunos, shu bilan birga el-yurtini, xalqini sevgan va uni mashhuri jahon qilgan inson haqlarida yozish shunday ma’suliyatliki qalbimda bir qo’rqinch – mening bor so’z boyligim ham  Amir Temur sifatlarini ifodalab bera olmaydi!  Va shu bilan birga Sohibqirondek ulug’  zotning AJDODIM, BOBOM, O’ZBEK bo’lganliklari haqida yozish ko’nglimni faxr - iftixorga to’ldiradi.
  Yozishga qaror qildim, men shoira , tarixchi emasman shu bois dilimdagi mehrni , miyamda aylanayotgan ba’zi fikrlarni bayon qilsam aybga buyurmaysiz…
         Avvalo,  yaqinda ustozim bilan bo’lib o’tgan bahslashuv haqida ozgina yozmoqchiman. Ustozim “Men bosqinchilarni yomon ko’raman, Amir Temur ham bosqinchi dedilar”, bilasizmi ba’zan shunday holatlar b o’ladiki yuragingizdagi so’zlarni ifodalab berolmaysiz, isbotlab, tushuntirib berolmaysiz… Men Amir Temur shaxsi haqida bu fikrni qanchalik noto’g’ri ekaligini isbotlashimga qaramay, ular fikrlarini o’zgartirmadilar. Mayli har kim o’z fikrini bayon etish va fikrida qolish huquqiga eka. Shu bois ham yozmoqchi bo’lganim – Amir Temur bosqinchi emas… bu fikrni isboti kerak bo’lsa Sohibqiron o’z qo’liga olgan davlatlari va ularning tarixiga nazar solaylik, U qaysi davlatni o’z qo’l ostiga olgan bo’lsa hammasi ezgulik maqsadida, ya’ni o’sha davlatlar Sohibqiron Temurdan oldin ZOLIMlar qo’lida bo’lgan, aholisiga qul sifatida muomala qilingan. Aytishimiz joziki Amir Temurga bu o’rinda bosqinchi emas, qutqaruvchi Sarkarda nomi bilan atash to’g’riroq.  Amir Temur ko‘p yillar davomida mustamlaka bo‘lib, chet ellik hukmdorlarga bo‘ysunib kelgan Movarounnahr va Xurosonda o‘z yurti, xalqining kuch-qudratiga tayangan mustaqil va yagona davlat barpo eta odldi; Amir Temur ham o‘z davriga xos bo‘lgan turli sabablarga binoan boshqa mamlakatlarga yurishlar qildi va Ovro‘po mamlakatlarining rivojlanishini tezlashishiga o‘z hissasini qo‘shdi. Rossiyani Oltin O'rda zulmidan, Ovro‘poni Turkiya tajavvuzidan saqlab qoldi; Amir Temur o‘z siyosatida madaniyat, obodonchilik, hunarmandchilik homiysi bo‘lib tanildi. O'z siyosati bilan madaniy yuksalishga va turkiy tilning rivojiga keng yo‘l ochib, nafaqat Markaziy Osiyoning madaniy-ma'naviy olamida, balki butun musulmon olami tarixida o‘chmas iz qoldirdi va so‘nggi rivojlanishiga katta ta'sir ko‘rsatdi”.
         Yana nimalar desam ekan, yo’q! Man bu shaxs to’g’risida dilimdagilani aniq ifodalab bera olmayman, ayta oladiganim Sohibqiron Amir Temurni yaxshi ko’raman...Sharofiddin Ali Yazdiy hazratlarini “Temurnoma” asarlarini o’qishni tavsiya etaman... 

Dilnavoz Berdiyeva Toshkan qizi...




Monday 18 March 2013


Shunchaki bugun…
        
         Bugun juda g’alati kun bo’ldi…negadir bugun haqda yozgim kelayabdi ..shunchaki yozish manga yoqadi..yozganda ham o’zim haqimda yozish…Xullas bugun azonda uyg’ondim, bilmadim nega kayfiyatim juda yaxshi bo’ldi…keyin twetterga bir mo’ralay deb kirib “Daryo” ismi haqida yozilgan twetni o’qib qoldim..bu ismni shu qadar yaxshi ko’ramanki.. bu ism bilan bog’liq yaxshi xotiralarim bor,,shu boismi qizg’ondim..kim bilsin balki xotira rashkidir..
Keyin ‘Amilaza genini rekombinatsiya qilish’ degan maqola o’qidim.. yangi ma’lumotlarga ega bo’ldim…bugun katta bir imtihon bor edi, man va bir dugonam (Maftuna) labaratoriyaga borishimiz va savol javobdan o’tsak o’sha labaratoriyada ilmiy izlanish olib borishimiz kerak edi.. Labaratoriya rahbari faqat bittamizni qabul qilishlarini aytdilar…labaratoriya biokimyo bo’yicha hozirgi kunda O’zbekistondagi eng zo’r labaratoriya, ishchilari, pofessorlarining bilim darajasi ham juda yuqori, u yerga qabul qilinish hamma bioximiklani orzusi.. va xullas omadmi bilmadim, har holda mani javoblarim labaratoriya rahbarini qoniqtirdi.. Maftunani esa qabul qilmadilar..yuragim g’ashlandi..mag’lub odam g’olib odamning yaqini bo’lsa g’alaba tatimas ekan.. bugun labaratoriya bilan to’liq tanishdim, ayniqsa o’zim qiziqqan soha bo’yicha olib borilayotgan ishlari meni quvontirdi..lekin hayiqdim “dadam istaganlaridek kuchli olima bo’la olarmikinman” ..ammo qo’limdan kelgancha harakat qilaman… soat 17:00 larda labaratoriyadan chiqdim va metroga tushdim, shunda bir qizning g’alati kulganini eshitdim, atrofimga qarasam bir qiz ‘telba’ (bu so’zni ishlatgim kelmayabdi lek boshqa yumshoqroq so’z topolmadim)larcha baqirib kulayotgan ekan..ko’pchilik unga “jinni” degan nigoh bilan qaraganini sezdim.. Man ham biroz cho’chidim, nega bilmadim, mani yaqinrog’imdaligi sabab tashlanib qolarmikin deb qo’rqdim chamamda..shunda u qizni ko’zlariga beixtiyor nigohim tushdi… ko’zlardan tinmay yosh oqardi.. borgim keldi oldiga…bilaman dardini olidh qo’limdan kelmaydi, hech qursa malham bo’lgim keldi..lek bormadim..jur’at, qo’rquv,odamlardan andisha yo’limni to’sdi,,, “andisha emish , eh Dilnavoz dunyo dunyo muhabbat haqida she’r yozganingda andisha qilmagan bir ojizani yupatishga andisha qildingmi?”  vijdonim hayqirig’I edi bu.. nahot shuncha beparvo bo’lib borayabmiz…aniqrog’I man… bilmadim har holda bugun vijdonimni og’ritdim..
         Keyin uyga keldim, ovqat qildik, ukam juda kech keldilar… Birinchi savolim “billet topdingmi?” bo’ldi.. ukam esa hazillashdilar, manga O'zbekiston bayrog'ini oberisharmushla "olg'a O'zbekistonim" deb televezordan ko'rsam ham bo'luvrarmish, xullas billet masalasiga ko’zim yetmayabdi dedilar..mayli biz uchun eng muhimi VATAN G’ALABASI.. axir ilinjlarimiz qachondir ishonchga aylanishi kerakku?! O’zbekiston Jahon Chimpionatiga chiqishi uchun duolar qiladigan muxlislari bor…demak albatta bir kun JCH eshiklari ochilajak biz uchun..
         Va bugun bir ilhom parilari kelib bir vaqtlar boshlagan she’rimni yakunlab qo’ydim:


Odamlari jonim deya jonin berar
Mehr qo'shib dasturxonga taklif qilar
Bosh osmonda lekin oyoq yerda turar
Qalbi qaynoq,Mehri daryo-Qashqadaryo

Yolg'on nima bilmas, bilmaydi nedir riyo
Qizlarining ko'zlarida yashnar hayo
Yigitlari hammasi ham Polvonnamo
Qalbi qaynoq,mehri daryo-Qashqadaryo!

Bahmal qirlari ham yashnatar ko'zni
Men unda tanidim o'zlikni o'zni
Hatto jilosi bor xazonrez kuzni
Qalbi qaynoq,mehri daryo-Qashqadaryo!!!


Darvoqe, nega mavzuga aloqador bo'lmasayam bu rasmni qo'yganimga hayron bo'lmang, bahorga oshufta qalbimning xohlagan rasmini qo'ydim...

Berdiyeva Dilnavoz Toshkan qizi..